Zelenski Nyu Yorkda Kissincerlə görüşüb

Ukrayna prezidenti Vladimir Zelenski Nyu Yorkda ABŞ-ın keçmiş dövlət katibi (1973-1977) Henri Kissincer və amerikalı sahibkarlarla Ukraynanın bərpasını müzakirə etmək üçün görüş keçirib.

Poliqon xəbər verir ki, bu barədə CNN telekanalı məlumat yayıb. Məlumata görə, görüş çərşənbə günü metropolisin mərkəzi ərazisində - Manhettendə baş tutub. Tədbirdə Kissincerdən başqa milyarderlər Mayk Blumberq, Barri Sternlixt, Robert Kraft, Bill Akman, həmçinin Google-un baş direktoru Erik Şmidt də iştirak edib.

CNN bildirir ki, görüşün məqsədi Ukraynanı bərpa etmək səylərini müzakirə etmək olub. Tədbir planlaşdırıldığından daha uzun sürüb. Lakin iş adamlarının Ukraynanın bərpası ilə bağlıhər hansı konkret öhdəliklər götürüb-götürmədikləri ilə bağlı heç bir məlumat yoxdur.

Poliqon.info