Qondarma “Luqansk Respublikası”nda generalın evi partladıldı: Ağır vəziyyətdədir

Partlayışın Ukrayna Təhlükəsizlik Xidməti tərəfindən törədildiyi bildirilir.

“O, öz evində partladılıb. Afanasyevski baş, boyun, qarın nahiyəsindən çoxsaylı qəlpə yarası alıb və ağır vəziyyətdə reanimasiyadadır. General-mayor və Federal Təhlükəsizlik Xidməti mərkəzi aparatının agenti olan Afanasyevski “Luqansk Xalq Respublikası”nın “rəhbəri” Leonid Paseçnikin “maliyyəçisi” olması ilə tanınır”, - deyə bununla bağlı mənbənin verdiyi məlumatda qeyd edilib.

Afanasyevski Ukraynaya qarşı vuruşan silahlı birləşmələri maliyyələşdirmək üçün ayrılan vəsaitləri “yuyub”. O, Aİ, Böyük Britaniya, Kanada, İsveçrə, Yaponiyanın sanksiyaları altındadır.

Poliqon.info