Kolumbiya prezidenti Qustavo Petro hesab edir ki, “Amazon paktı”na daxil olan ölkələr funksiyalarına görə NATO-ya oxşar hərbi-siyasi ittifaq yaratmalıdırlar...
Poliqon xəbər verir ki, bu barədə Kolumbiya prezidenti Amazon Paktı iştirakçısı olan ölkələrin sammitində danışıb. Həmçinin Qustavo Petro hesab edir ki, ekoloji cinayətlər üzrə xüsusi məhkəmənin yaradılmalıdır.
“Mən hərbi müqavilə təklif edirəm. Biz Amazon NATO-su yaratmalıyıq. Amazon və ölkələrimizə qarşı yönəlmiş fəaliyyətlərə qarşı çıxmaq üçün hərbi əməkdaşlıq haqqında saziş imzalayaq”, deyə Pedro sammitdə çıxışı zamanı bildirib.
Kolumbiya prezidentinin sözlərinə görə, belə bir qurum müdafiə nazirlərinin rəhbərliyi altında silahlı qüvvələrin birgə hərəkətlərini əlaqələndirə bilər. Pedro qeyd edib ki, “Amazon paktı” ölkələri regionun təbiətinə və yerli əhalinin hüquqlarına zərər vuran ekoloji cinayətlərlə bağlı məhkəmə də yarada bilər.
Qeyd edək ki, “Amazon Paktı” və ya Amazon Əməkdaşlıq Müqaviləsi Təşkilatı Amazonun təbii irsinin qorunmasını təmin etmək məqsədi daşıyan bir təşkilatdır. Təşkilata Boliviya, Venesuela, Ekvador, Braziliya, Kolumbiya, Qayana, Peru, Surinam daxildir.
Poliqon.info
Digərxəbərlər
Populyar xəbərlər
