Avstraliya hakimiyyəti "WikiLeaks"in qurucusu Culian Assancın ABŞ-da mühakimə olunmasını dəstəkləmir...
Poliqon Fox News telekanalına istinadən xəbər verir ki, bu barədə Avstraliyanın baş naziri Entoni Albanese deyib.
Onun sözlərinə görə, Kanberra avstraliyalı jurnalistə qarşı bütün ittihamların götürülməsini tələb edir. Bu ittihamlara görə, onu 175 il həbs cəzası gözləyir.
“Biz Assancla bağlı öz fikrimizdə və Amerika hökuməti qarşısındakı təmsilçiliyimizdə möhkəm qalırıq və bunu davam etdirəcəyik. Bu çox uzun müddət davam etdi. Artıq bəsdir", deyə Albanese bildirib.
Assanc 2010-cu ildə ABŞ da daxil olmaqla müxtəlif hökumətlərin məxfi materiallarını dərc etməklə məşhurlaşıb. Artıq bir neçə ildir ki, Vaşinqton onun 2019-cu ilə qədər Ekvador səfirliyində təqiblərdən gizləndiyi Böyük Britaniyadan ekstradisiyasını tələb edir. ABŞ-da Assancı məxfi məlumatları dərc etdiyinə görə 175 ilə qədər həbs cəzası gözləyir. 2022-ci ildə Böyük Britaniya Daxili İşlər Nazirliyi bir jurnalistin ekstradisiyasını təsdiqləyib. O, 2023-cü ilin yayından Londonda yerləşən maksimum təhlükəsizliyin təmin olduğu həbsxanasındadır və İngiltərənin qərarına məhkəmədə etiraz etməyə çalışır.
Poliqon.info