Almaniyanın xarici işlər naziri Annalena Burbok iyulun 7-də bildirib ki, ölkəsi Ukraynaya kaset bombası göndərilməsinin əleyhinədir...
Poliqon The Guardian nəşrinə istinadən xəbər verir ki, bu bəyanat ABŞ rəsmilərinin Vaşinqtonun Kiyevi kaset sursatları ilə təmin etməyi planlaşdırması açıqlandıqdan bir gün sonra verilib.
Burbok Vyanada keçirilən iqlim konfransında jurnalistlərə verdiyi açıqlamada "Mən medianın xəbərlərini izlədim. İştirakçı dövlətlər olaraq bizim üçün Osloda əldə olunan razılaşma etibarlıdır", deyib.
O, 2008-ci ildə Norveçin paytaxtında imzalanmış və kaset sursatlarının istifadəsini, yığılmasını, istehsalını və ötürülməsini qadağan edən sazişi nəzərdə tutur.
Qeyd edək ki, ötən gün Amerika KİV-lərində ABŞ-ın tezliklə Ukraynaya kaset sursatlarının təhvil verilməsinə razılıq verə biləcəyi ilə bağlı xəbərlər yayılıb. İyulun 6-da qərarın Co Baydenə aid olduğu açıqlanıb.
İyulun 7-də "Washington Post" qəzeti yazıb ki, ABŞ prezidenti Co Bayden Ukraynaya kaset bombalarının verilməsini təsdiqləyib.
“Human Rights Watch” təşkilatı bildirib ki, bu gün Ukrayna dünyada kaset bombalarından istifadə edilən yeganə ölkədir.
Poliqon.info
Digərxəbərlər
Populyar xəbərlər
