ABŞ “Raytheon Missiles and Defence” şirkəti ilə 1,1 milyard dollardan çox məbləğdə qabaqcıl orta mənzilli hava-hava raketi AMRAAM-ın istehsalı üçün müqavilə imzalayıb...
Poliqon Pentaqonun mətbuat xidmətinə istinadən xəbər verir ki, müqavilənin şərtlərinə əsasən, istehsal edilən raketlərin bir hissəsi Ukraynaya çatdırılacaq.
“Bu müqaviləyə Bəhreyn, Belçika, Bolqarıstan, Kanada, Finlandiya, Macarıstan, İtaliya, Yaponiya, Hollandiya, Norveç, Qətər, Səudiyyə Ərəbistanı, Sinqapur, Cənubi Koreya, İspaniya, İsveçrə, Ukrayna və Böyük Britaniyaya təsnif edilməmiş xarici hərbi satışlar daxildir ki, bu da müqavilə dəyərinin təxminən 39%-ni təşkil edir”, deyə bildirilib.
AMRAAM orta mənzilli hava-hava raketidir. F-15C, F-15E, F-16, F/A-18C/D, F/A-18E/F, F-22 qırıcılarının əsas silahıdır. Bir raketin qiyməti modifikasiyadan asılı olaraq 1,2 milyon dollardan 1,97 milyon dollara qədər dəyişir.
Qeyd edilir ki, raketlər Texas ştatının Tucson şəhərində istehsal olunacaq. Mətbuat xidməti xəbər verir ki, istehsalın 2027-ci il yanvarın 31-dək başa çatdırılması planlaşdırılır. Müqavilə həmçinin AMRAAM telemetriya sisteminin yaradılmasını, ilkin və çöl ehtiyat hissələrinin, eləcə də istehsal üçün digər mühəndis-texniki dəstək tədbirlərini nəzərdə tutur.
2022-ci ilin oktyabrında və bu ilin yanvarında ABŞ Ukraynaya AMRAAM raketləri ilə təchiz olunmuş NASAMS hava hücumundan müdafiə sistemlərini tədarük edib. Keçən il bu raketlərlə təchiz olunmuş raket sistemlərinin Ukraynaya tədarükü Böyük Britaniya tərəfindən də bildirilmişdi.
Poliqon.info
Digərxəbərlər
Populyar xəbərlər
