Cənubi Afrika Respublikasının Prezidenti Ramafosa: Ukrayna ilə bağlı danışıqlarda bloklara qoşulmamaq prinsipləri nəzərə alınmalıdır...
Cənubi Afrika Respublikasının Prezidenti Siril Ramafosa bildirib ki, Ukraynada münaqişəyə son qoymaq üçün danışıqlar aparılarkən hərbi bloklara qoşulmamaq prinsiplərini nəzərə almaq lazımdır.
Poliqon xarici mətbuata əsasən xəbər verir ki, bu barədə Cənubi Afrika prezidentinin administrasiyası məlumat yayıb.
Ramafosa vurğulayıb ki, Ukraynadakı münaqişə diplomatiya və danışıqlar yolu ilə, bloklara qoşulmamanın əsas prinsiplərinə riayət etməklə həll edilməlidir.
Cənubi Afrika prezidenti vurğulayıb ki, Ukraynadakı münaqişənin sona çatması “hamının kollektiv maraqlarına uyğundur”.
Qeyd edək ki, bundan əvvəl Ramafosa Rusiya-Afrika sammitində Ukrayna böhranının müzakirəsinin bərpa olunacağını bildirmişdi.
Ramaposa qeyd edib ki, Afrika nümayəndə heyətinin Rusiya prezidenti Vladimir Putinlə görüşü mövcud vəziyyəti daha aydın başa düşməyə imkan verib.
Poliqon.info