Sunak Vaşinqtonda Baydenlə görüşəcək...

ABŞ prezidenti Co Bayden və Böyük Britaniyanın Baş naziri Rişi Sunak iyunun 8-də Vaşinqtonda Ukraynaya yardım və enerji təhlükəsizliyinin gücləndirilməsi ilə bağlı danışıqlar aparacaqlar.

Poliqon xəbər verir ki, bu barədə Ağ Evin çərşənbə axşamı yaydığı press-relizdə deyilir.

“Liderlər bir sıra qlobal məsələləri, o cümlədən Ukraynaya dəstək planlarını, enerji təhlükəsizliyini gücləndirmək və iqlim böhranı ilə mübarizə üçün gələcək tədbirləri nəzərdən keçirəcəklər”, - Ağ Evin press-relizində bildirilir.

Məlumatda bildirilir ki, Bayden və Sunak həmçinin ümumi iqtisadi və təhlükəsizlik problemləri fonunda iki ölkə arasında iqtisadi əlaqələrin gücləndirilməsini müzakirə edəcəklər.

Poliqon.info