2023-cü il 18 may tarixində Azərbaycan İstiqlal Muzeyində 18 may- Beynəlxalq Muzeylər gününə həsr olunmuş Azərbaycan İstiqlal muzeyi və Cəbrayıl Rayon Tarix-Diyarşünaslıq muzeyinin birgə təşkilatçılığı ilə konsert proqramı keçirilib.
Poliqon.info xəbər verir ki, konsert proqramında Azərbaycan Respublikası Elm və Təhsil Nazirliyinin “3 nömrəli Uşaq Gənclər İnkişaf Mərkəzi” və Cəbrayıl rayon 7 saylı orta məktəb və Mahmudlu kənd uşaq musiqi məktəbi, Cəbrayıl rayon uşaq musiqi məktəbinin istedadlı şagirdləri canlı musiqi ifaları ilə 18 may- Açıq qapı günündə muzey ziyarətçilərinin zövqünü oxşayıb.
Ziyarətçilərə Azərbaycan xalqının ən qədim dövrlərdən müasir zamana qədər öz müstəqilliyi, istiqlaliyyəti uğrunda aparmış olduğu mübarizəni əks etdirən tarixi eksponatlar haqqında ətraflı məlumat verilib.
Qeyd edək ki, Beynəlxalq Muzeylər Şurasının (ICOM) təşəbbüsü ilə 1977-ci ildə təsis olunmuş Beynəlxalq Muzeylər Günü hər il 18 may tarixində dünyada müəyyən bir deviz altında qeyd olunur. Bu il isə ICOM tərəfindən “Muzeylər, dayanıqlılıq və rifah” devizi elan edilib.
Fotolar
Poliqon.info
Digərxəbərlər
Populyar xəbərlər
