Amerika hakimiyyəti ukraynalı pilotların Avropa ölkələrində F-16 qırıcılarında döyüş təlimi keçməsinə icazə vermir...
Poliqon xəbər verir ki, bu barədə The New York Times qəzeti yüksək rütbəli ukraynalı məmura istinadən yazıb. Vaşinqton qorxur ki, gizli texnologiyalar yanlış əllərə keçə bilər və o üzdən də Pentaqon təyyarələri Kiyevə vermək niyyətində deyil.
Nəşr yazır ki, bəzi Avropa dövlətləri Ukraynaya F-16-ları verməyə hazır olsalar da, bunun üçün qırıcıları yaradan ABŞ-ın razılığına ehtiyac duyurlar. Qəzet qeyd edir ki, bu razılıq olmadan Ukrayna Silahlı Qüvvələrinin pilotlarının hazırlığını belə həyata keçirə bilmir. Hazırda keçirilən təlim isə texniki xarakterli olub.
NYT-nin məlumatına görə, Bayden administrasiyası F-16 təyyarələrinin yüksək qiymətinə Ukraynaya verməkdən ehtiyat edir. Bundan əlavə, Ağ Ev Amerikanın gizli texnologiyalarının, o cümlədən F-16-da quraşdırılmış radarın yanlış əllərə keçməsindən qorxur. ABŞ-ın milli təhlükəsizlik üzrə müşaviri Cek Sallivan mayın 17-də təsdiqləyib ki, Birləşmiş Ştatlar hələ də Kiyevə qırıcı təyyarələr vermək niyyətində deyil.
Poliqon.info