Aİ dünyada dəfə ilk süni intellekt qaydalarını yaratmaq istəyir

Avropa Parlamentinin (AP) üzvləri yerli bazarda süni intellekt (AI) sistemlərini tənzimləyən qanunun razılaşdırılması prosesinə başlayıblar.

Poliqon xəbər verir ki, bu barədə Avropa Parlamentinin bəyanatında deyilir.

“İnsan təhlükəsizliyi üçün qəbuledilməz risk səviyyəsinə malik süni intellekt sistemləri qəti şəkildə qadağan ediləcək. Bunlara şüuraltı və ya məqsədyönlü manipulyativ üsullardan istifadə edən, insanların zəif yerlərindən istifadə edən və ya sosial bal toplamaq üçün istifadə olunan sistemlər (insanların sosial davranışı, sosial-iqtisadi vəziyyəti, şəxsi xüsusiyyətlərinə görə təsnifatı) daxildir”, deyə bəyanatda deyilir.

Sənədə əsasən, Avropa İttifaqının (Aİ) deputatlarının məqsədi süni intellektlə bağlı dünyada ilk qaydalar yaratmaq və süni intellekt sistemlərini insanların nəzarətinə vermək, onları təhlükəsiz, şəffaf, izlənilə bilən və ayrı-seçkiliyə yol verməyən bir platforma halına gətirməkdir.

Avropa Parlamenti həmçinin ictimai yerlərdə real vaxt rejimində uzaqdan biometrik identifikasiya və həssas xüsusiyyətlərdən (məsələn, gender, irq, etnik mənsubiyyət, vətəndaşlıq statusu, din, siyasi oriyentasiya kimi) istifadə edərək biometrik kateqoriyalara ayırma sistemlərinin qadağan edilməsi təklifi ilə çıxış edib. Parlamentarilər hüquq-mühafizə orqanlarında, sərhədlərdə, iş yerlərində və təhsil müəssisələrində emosiyaların tanınması üçün süni intellekt texnologiyalarının istifadəsinə qarşı çıxıblar.

Poliqon.info