Putinin söyüşlərinə etinasız qalan generallar və çıxılmaz vəziyyət…

Poliqon info xəbər verir ki, bu barədə “Generall SVR” Telegram kanalı məlumat yayıb.

Kanalın məlumatında bildirilir ki, görüşün əsas hissəsindən sonra prezident dar tərkibdə müzakirələri davam etdirib. Qapalı formatda keçirilən iclası davam etdirən prezident bir sıra suallar qaldırıb. Putin cəbhədəki vəziyyətlə bağlı hesabatları dinləyib və ənənəvi olaraq eşitdiklərindən narazı qalıb.

Kanal qeyd edir ki, çox sayda yığılmış problem, sadəcə mövcud olmayan sürətli və effektiv həllər tələb edir. Hərbi rəhbərlik effektsiz olan hücum əməliyyatlarında super səylər göstərdiyini bildirir, lakin əmin edir ki, bu mərhələdə müasir NATO silahları ilə təmin edilmiş Ukrayna Silahlı Qüvvələrinə müqavimət göstərmək olduqca çətindir.

“Xüsusən də hazırkı mərhələdə kəskin silah sürsat çatımamazlığı fonunda Ukraynanın ehtimal yaz hücumlarının qarşısının alınması mükün görünmür”, deyə “Generall SVR” iddia edib.

“Generall SVR” yazır ki, prezidentin ultimatumativ tələbinə baxmayaraq, ordu rəhbərliyi çiyinlərini çəkib, gözlərini aşağı dikərək, səhlənkar məktəblilər kimi özlərinə haqq qazandırmağa çalışırlar.

Putinin söyüş və təhdidləri isə hərbi rəhbərliyə artıq heç bir təsir göstərmir. Yarım il əvvəl Baş Qərargahda pıçıldayıb gileyləndiklərini indi praktiki olaraq Putinin üzünə açıq deyirlər. Baş Qərargahın generallarına görə vəziyyətdən çıxış yolu yoxdur. Kifayət qədər silah olmadan yeni səfərbərlik dalğası isə faydasızdır və bu səfərbərlik yalnız ağır itkilərə səbəb olacaq.

“Generall SVR”in yazdığına görə heç bir qərar alınmadan “Vaqner qrupu” və Yevgeni Priqojin mövzusuna keçid edilib. Nikolay Patruşev Priqojin təhlükəsi iə bağlı qısa təqdimat edib və təklif verib ki, indiki templə ay yarım və ya iki aya qədər “Vaqner qrupu”undan heç nə qalmayacaq.

Kanal bildirir ki, Təhlükəsizlik Şurasının katibi Priqojinin bu vəziyyətdə necə davranacağı və ondan hansı təhdidlərin gələ biləcəyi ilə bağlı fərziyyələrini də bölüşüb.

Patruşevin fikrincə, Priqojin əlində olan resurslardan istifadə edərək keçmiş peşəkar “Vaqner”çiləri bir bəhanə ilə silahlandırmaq və onları Rusiya ərazisinə, daha doğrusu Ukrayna ilə həmsərhəd vilayətlərə göndərmək üçün cəhd edə bilər.

Təhlükəsizlik Şurasının katibi bildirib ki, o, artıq keçmiş “Vaqner”çilərin təmaslarına və hərəkətlərinə nəzarət etmək barədə göstəriş verib. Ğ

“Generall SVR”in yadığına görə Putin Patruşevin arqumentləri ilə razılaşıb və ümumilikdə “Vaqner qrupu”nun, xüsusilə Yevgeni Priqojinin zərərsizləşdirilməsi istiqamətində görülən işlərə görə təşəkkür edib.

Poliqon.info