Serbiya prezidenti Aleksandar Vucic Rusiyaya xəbərdarlıq verib...
PİA.az Serbiya mətbuatına istinadən xəbər verir ki, Vucic “Wagner”in Serbiyadan əsgər toplamaq cəhdləri ilə bağlı açıqlamalar verib.
Vucic serbləri Ukraynada döyüşməyə çağırmağın ədalətsizlik olduğunu bildirib və əlavə edib:
“Serbiya Avropada Rusiyaya qarşı sanksiyalar tətbiq etməyən yeganə ölkədir. Rusiya “Wagner”in Serbiyadan qoşun toplamaq cəhdlərini dayandırmalıdır. Bu cür yanaşma həm də Serbiya qanunlarına ziddir”.
Həmçinin, bildirilir ki, moskvayönlü “RT” xəbər portalı serb dilində “Wagner”in Ukraynada döyüşçülər axtardığına dair elan dərc etdiyini və insanları buna təşviq etdini bildirib.
Bundan sonra isə keçən həftə Serbiyaya səfər edən ABŞ dövlət katibinin müşaviri Derek Çollet də “Wagner”in oradakı fəaliyyətindən narahat olduqlarını qeyd edib.
Digər tərəfdən, rus oliqarx Yevgeni Priqojinin sahibi olduğu “Wagner”in Afrika qitəsi başda olmaqla, bir çox ölkədə fəaliyyət göstərdiyi bilinərkən, sözügedən rus hərbi şirkəti keçən ay Serbiyada “dostluq və əməkdaşlıq mərkəzi” qurduğunu açıqlamışdı.
pia.az