Kolumbiyada kokain istehsalı rekord səviyyəyə yüksəlib

PİA.az xəbər verir ki, bu barədə Bloomberg Agentliyi məlumat yayıb.

Məlumatda bildirilir ki, BMT-nin Narkotiklər və Cinayətkarlıqla Mübarizə İdarəsinin məlumatına görə, hazırda bu ölkədə ildə 2000 tona yaxın qadağan olunmuş maddə istehsal olunur.

Nəşrin məlumatına görə, La Dorada şəhərinin ərazisində olan mal-qara təsərrüfatları və balıq fermaları ərazidə olan “sonsuz koka tarlalarından” geridə qalır.

Peyk fotoşəkillərinə görə, 2021-ci ildə Kolumbiyada belə tarlaların sahəsi rekord həddə - 200.000 hektara çatıb ki, bu da məşhur mafioz Eskobar dövründən beş dəfə çoxdur.

“Kokain planetin onu əvvəllər görməmiş guşələrinə çatdırılır, çünki orada əvvəlki bazarların tələbatından daha çox narkotik var”, deyə Bloomberg Kolumbiyanın narkotik ticarətini davamlı olaraq işıqlandıran yazıçı Tobi Musenin sözlərindən sitat gətirir.

Bloomberg yazır ki, Kolumbiyadan Avropaya narkotik tədarükü əsasən Atlantik okeanı üzərindən üzən kommersiya yük gəmiləri tərəfindən həyata keçirilir. Avropa İttifaqının məlumatına görə, beş il ərzində Avropada ələ keçirilən kokain ixracının miqdarı üç dəfə artıb.

Qeyd edək ki, bir müddət əvvəl Serbiya millisinin sabiq müdafiəçisi Duşan Petkoviçin Amsterdamda 115 kq kokainlə saxlanılması ilə bağlı məlumat yayılmışdı. Müsadirə edilən narkotik vasitələrin dəyəri 11 milyon avro dəyərində qiymətləndirilirdi. Saxlanma beynəlxalq əməliyyat çərçivəsində həyata keçirilib və Duşan Petkoviç Cənubi Amerikadan Avropaya narkotik vasitələrin daşınması ilə məşğul olan mütəşəkkil dəstənin üzvü olub.

pia.az