Yeni Zelandiya baş naziri Ardern mikrofonunun açıq olduğunu görmədən müxalifət lideri üçün “özündən razı xiyar” deyib...
PİA.az Türkiyə mətbuatına istinadən xəbər verir ki, Yeni Zelandiya baş naziri Yasinda Ardernin mikrofonunun açıq olduğunu unutduğu üçün müxalifət liderini təhqir etməsi bütün salon tərəfindən eşidilib. Ardernin kiçik müxalifət partiyasının liderini təhqir etməsi bütün parlamentdə eşidildiyi və mikrofonu açıq qaldığı üçün parlament televiziyasında yayımlanıb.
Çərşənbə axşamı parlamentdəki liberal “Akt” partiyasının lideri Devid Seymur Arderndən: “Bir səhv etdikdən sonra düzgün şəkildə üzr istəyib, onu düzəltdiyiniz olubsa, buna bir nümunə verə bilərsinizmi?”, deyə soruşub.
Sualdan sonra Ardern hökumətinin Covid-19 dövründəki təcrid siyasətinin ictimaiyyəti çətinə salmasına baxmayaraq, aldıqları qərarların arxasında olduqlarını söyləyib. Cavabını bitirdikdən sonra müavini Qrant Robertsonun yanında əyləşən Ardern Seymur haqqında “Bu nə özündən razı xiyardır!” deyib.
Seymur daha sonra parlamentə müraciət edərək, Ardernin sözlərini geri almasını və üzr istəməsini tələb edib. Lakin baş nazir zalı tərk etdiyi üçün bu təklif rədd edilib. Seymur daha sonra Ardernin mesaj göndərdiyini və ondan üzr istədiyini bildirib.
pia.az