Müstəqim Məmmədov yaralı hərbi qulluqçularla görüşüb - Fotolar

Tərtər Rayon İcra Hakimiyyətinin Başçısı Müstəqim Məmmədov Ermənistan silahlı qüvvələri tərəfindən Azərbaycan-Ermənistan dövlət sərhədinin Daşkəsən, Kəlbəcər, Laçın və Zəngilan istiqamətlərində törətdikləri genişmiqyaslı təxribatların qarşısını alarkən yaralanan və hazırda Bakı şəhərində müalicə alan hərbi qulluqçularla görüşüb.

PİA.az xəbər verir ki, İcra başçısı Silahlı Qüvvələrin Baş Klinik Hospitalında müalicə alan Tərtər rayon sakinləri hərbi qulluqçu Şamxallı Şamxal Fəxrəddin oğlunu, Cavadov Natiq Şahin oğlunu, Qarayev Süleyman Faiq oğlunu, M.A.Topçubaşov adına Elmi Cərrahiyyə Mərkəzində müalicə alan Nəcəfli Toğrul Mehdi oğlunu, Dövlət Sərhəd Xidmətinin Hərbi Hospitalında müalicə alan Qarayev Əzizağa Sənan oğlunu və digər yaralıları ziyarət edərək, onların səhhəti və qayğıları ilə maraqlanıb. Yaralılarımıza Allahdan şəfalar diləyib.

Hərbçilərimiz aparılan müayinə və müalicələrin gedişindən razılıqlarını bildiriblər.

Onlara göstərilən yüksək diqqət və qayğıya görə Azərbaycan Respublikasının Prezidenti cənab İlham Əliyevə və Birinci vitse-prezident Mehriban xanım Əliyevaya minnətdarlıqlarını ifadə ediblər.

pia.az