Yevlax rayon sakini 77 kiloqramdan çox narkotiklə saxlanılıb.
DİN-dən verilən məlumata görə, 1964-cü il təvəllüdlü II qrup Birinci Qarabağ müharibəsi əlili Hüseynov Seymur İsmayıl oğlunun narkotik vasitəsinin qanunsuz dövriyyəsi ilə məşğul olması barədə əvvəllər dəfələrlə məlumat daxil olub.
Əməliyyat məlumatının yoxlanılması məqsədilə dünən DİN-in əməkdaşlarının keçirdikləri əməliyyat-axtarış tədbirləri nəticəsində S.Hüseynov idarə etdiyi ona dövlət tərəfindən verilmiş “Naz Lifan” markalı, 66 BL 698 dövlət nömrə nişanlı avtomobili ilə Yevlax şəhəri ərazisində saxlanılıb.
Maşına baxış zamanı ümumi çəkisi 77 kq 500 qram olan güclü təsiredici xüsusiyyətə malik narkotik maddələr və 200 ədəd narkotik tərkibli həb aşkar edilib.
Sorğu zamanı S.Hüseynov ondan aşkar olunmuş narkotik maddələrin İran vətəndaşı “Baba” adlı şəxs vasitəsilə Füzuli rayonu, Araz Dilağarda kəndi ərazisindən əvvəlcədən təyin olunmuş yerdə satış məqsədilə əldə etdiyini bildirib.
Qeyd edək ki, S.Hüseynov Birinci Qarabağ müharibəsi əlili olmasından sui-istifadə edərək uzun illər yaşadığı Yevlax rayonu dövlət qurumlarına əsassız tələblər irəli sürərək onların fəaliyyətinə müdaxilələr edirdi.
pia.az
Digərxəbərlər
Populyar xəbərlər
