“Bizim balalara, gələcəyimizə qarşı bir terror var. Mütləq bunun səbəbini və iştirakçılarını tapmalıyıq. Dövlət, hökumət, QHT-lər, bütün insanlar birləşib bu intiharları dayandırmalıyıq. Səbəblərini və iştirakçılarını bilirəm. Hər kəsin əlində bir silah və bir casus var. Mobil telefonlar gənclərimizin düşməni və silahıdır. Yedikləri ərzaqlar, fast-foodlar, mağazadan alınmış qaynağı bəlli olmayan yeməklər uşaqlarımızın intihar etməsinə səbəbdir”.
Bakupost.az xəbər verir ki, bunu tanınmış şair Rüstəm Behrudinin qardaşı İlham Alməmmədov oğlunun intiharı barədə danışarkən deyib.
İ.Alməmmədov əlavə edib ki, övladının ölümündə nə dövlət, nə də hökumət strukturlarının iştirakı var: “İştirakçılar hər yerdə var və bütün dilləri bilirlər. Gəlin, birlikdə bu intihara “dur” deyək”.
Qeyd edək ki, İsa Alməmmədov 27 apreldə gecə saatlarında yaşadığı evdən çıxaraq 15-ci mərtəbəyə qalxıb və özünü oradan ataraq intihar edib.
pia.az
Digərxəbərlər
Populyar xəbərlər
