Bir sıra istiqamətlərdə ictimai nəqliyyatın hərəkəti dəyişdiriləcək

Bu gün aparılan təmir-bərpa işləri ilə əlaqədar olaraq, Xudu Məmmədov küçəsi Vunqtau küçəsinin kəsişməsindən “Həzi Aslanov” metrostansiyası istiqamətində nəqliyyat vasitələrinin hərəkətinə tətbiq edilən məhdudiyyət səbəbindən M1, M2, M6 və 104 nömrəli müntəzəm marşrutların hərəkət sxemləri aşağıda göstərilən qaydada müvəqqəti dəyişdirilib.

Bu barədə Bakı Nəqliyyat Agentliyindən (BNA) bildirilib.

Məlumata görə, M2 nömrəli ekspres marşrut “Həzi Aslanov“ metrostansiyası istiqamətində Ukrayna dairəsi-Vunqtau küçəsi-Sadıqcan küçəsi-Xudu Məmmədov küçəsi-Məhəmməd Hadi küçəsi daha sonra öz hərəkət sxemi üzrə M1, M6 nömrəli ekspres marşrut “Həzi Aslanov“ metrostansiyası istiqamətində Ukrayna dairəsi-Məhəmməd Hadi küçəsi geriyə dönmə manevri etməklə, daha sonra öz hərəkət sxemi üzrə; 104 nömrəli müntəzəm marşrut “Həzi Aslanov“ metrostansiyası istiqamətində Gəncə prospekti-Vunqtau küçəsi-Ukrayna dairəsi-Məhəmməd Hadi küçəsi geriyə dönmə manevri etməklə daha sonra öz sxemi üzrə hərəkəti müəyyən edilib.

pia.az