Tovuzun Əyyublu kənd ictimaiyyətinin və yerli İcra Hakimiyyətinin birgə təşəbbüsü ilə şəhidlərimizin xatirəsi əbədiləşdirilib.
Belə ki, erməni silahlı qüvvələrinin son təxribatlarının qarşısını alarkən qəhrəmancasına həlak olmuş şəhidlərimizdən üçünün Əyyublu kəndində guşəsi yaradılıb.
PİA.az xəbər verir ki, bundan əvvəl də I Qarabağ müharibəsində şəhid olanların Əyyubludakı abidələri abadlaşdırılmışdı, indisə Ağdam döyüşünün qəhrəmanlarının xatirəsi əbədiləşdirilib.
Belə ki, Əyyublu kənd parkında şəhid generalımız Polad Həşimovun, gizir İlqar Zeynallının və baş əsgər Elşad Məmmədovun stendləri hazırlanıb. Bu barədə saytımıza verilən xəbərdə deyilir ki, bu təşəbbüs kənd camaatı tərəfindən təqdirlə qarşılanıb, yüksək qiymətləndirilib.
Tovuz döyüşlərində fədakarlıq və igidlik göstərmiş, vətən üçün canlarını fəda etmiş şəhidlərimizə ehtiram kimi qiymətləndirilən bu guşələrin qoyulması həm də gənclərə, məktəblilərə bir nümunədir. Yeni nəsil erməni işğalçılarına qarşı döyüşmüş, Tovuzdan bir qarış verməyən şəhidlərini tanımalı, hər dəfə guşələri görəndə onlara örnək olmalıdır. Bu mənada atılan addım müsbət dəyərləndirilib.(Reportyor.info)
Fotolar
pia.az
Digərxəbərlər
Populyar xəbərlər
