MSK sədri Erkin Qədirliyə "Çoxbilmiş" dedi

Məzahir Pənahov Erkin Qədirlini “çoxbilmiş” adlandırdı.

PİA.az-ın xəbərinə görə, bu barədə MSK katibi Arifə Muxtarova məlumat verib.

Erkin Qədirli şikayətində bildirib ki, həmin dairənin səkkiz məntəqəsində seçicilərin iradəsini müəyyələnləşdirməyə imkan verməyən hallar aşkarlanıb.

“Erkin Qədirli bildirir ki, səkkiz məntəqənin nəticələri etibarsız sayılsın”, - deyə Arifə Muxtarova əlavə edib.

MSK sədri Məzahir Pənahov isə bildirib ki, Erkin Qədirli çoxbilmişdir:

“O bilir ki, dairə üzrə lider namizəddir, amma deyir ki, bəzi məntəqələrin nəticələri etibarsız sayılsın. O, çoxbilmişdir, bilir ki, bu, nəticəyə təsir etməyəcək”.

MSK qərara alıb ki, Erkin Qədirlinin müraciəti təmin edilməsin. (Oxu.Az)

pia.az