Qubanın Alpan kəndində Ələkbərovlar ailəsi üçün yeni ev tikiləcək
Oxu.Az-ın bölgə müxbirinin verdiyi məlumata görə, Quba Rayon İcra Hakimiyyətinin başçısı Ziyəddin Əliyev Nizami və Şəbnəm Ələkbərovların evlərini ziyarət edib. Üçəmlər olan Heydər, Leyla və Arzuya hədiyyələr aparan başçı ailənin yaşayış evinin yararsız vəziyyətdə olduğunu görüb.
Ziyəddin Əliyev uşaqların atası Nizami Ələkbərovun qardaşı Abdulla Ələkbərovun ölkəmizin ərazi bütövlüyü uğrunda döyüşlərdə şəhid olduğunu nəzərə alaraq, qısa vaxt ərzində ailə üçün yeni yaşayış evinin tikilib istifadəyə verilməsi barədə qərar qəbul edib. Eyni zamanda uşaqların valideyni Nizami Ələkbərovun müvafiq işlə təmin olunması barədə tapşırıq verilib.
pia.az