Şri-Lanka polisi ölkənin mərkəzi hissəsində "Camahat ət-Tövhid əl-Vataniya" terror qruplaşmasının təlim-məşq bazasını aşkar edib
"Report" TASS-a istinadən xəbər verir ki, bu barədə "Adaderana" xəbər portalı məlumat verib.
Məlumata görə, baza Nuvara-Eliya şəhərindəki ikimərtəbəli binada yerləşir. Orada azı 38 nəfər, o cümlədən paytaxt Kolombodakı silsilə partlayışların bilavasitə təşkilatçısı olan şəxs təlim keçib. Binanın sahibi polis tərəfindən saxlanılıb, olay yerində istintaq tədbirləri davam etdirilir.
Xatırladaq ki, katolik və protestanların Pasxa bayramını qeyd etdiyi gündə - aprelin 21-də Şri-Lankada ölkə tarixindəki ən böyük terror hücumları baş verib, nəticədə 359 nəfər ölüb.
pia.az
Digərxəbərlər
Populyar xəbərlər
