Moldovada NATO-nun xüsusi təyinatlı qüvvələrinin təlimləri başlayıb

Moldova ərazisindəki təlim mərkəzlərində NATO ölkələrinin xüsusi təyinatlı bölmələrinin birgə hərbi təlimləri başlayıb.

Poliqon xəbər verir ki, bu barədə Moldava Müdafiə Nazirliyinin mətbuat xidmətindən məlumat verilib.

Birgə Mübadilə Təlimində (JCET-2023) iştirak Böyük Britaniya, Moldova, Rumıniya və ABŞ ordularının xüsusi təyinatlı bölmələri tərəfindən həyata keçirilir. Təlimlər aprelin 7-dək davam edəcək.

Tədbirlərin məqsədi dörd ölkənin hərbi xüsusi təyinatlıları arasında təcrübə mübadiləsi və qarşılıqlı fəaliyyətin artırılmasıdır. Hərbçilərin konkret tapşırıqlarla təkmil döyüş atışları, paraşütlə tullanma, səhra təlimləri keçirməsi planlaşdırılır.

Daha əvvəl NATO-nun beynəlxalq hərbi təlimləri Latviyada başlayıb, onlar martın 31-dək davam edəcək.

Poliqon.info