“Microsoft” korporasiyasının nümayəndələri akkauntlar üçün sadə parollardan istifadə edilməsinə qadağa qoymaq qərarına gəlib
İKT.lent.az-ın “runews24.ru” saytına istinadən məlumata görə, şirkət rəhbərliyinin bu addımı “Linkedln” sosial şəbəkəsinin sındırılması ilə bağlıdır. İlk olaraq bu yeniliyi tez bir zamanda “Azure Active Directory” istifadəçiləri görə biləcəklər.
Planlaşdırılır ki, ilk növbədə korporasiya istifadəçilər tərəfindən akkaunta daxil olmaq üçün tez-tez istifadə olunan sadə parolların siyahısını dərc edəcək. Bu məlumatlar sındırılan akkauntların məlumatları əsasında əldə olunacaq.
Buna görə də əgər istifadəçi öz şəxsi səhifəsini olduqca sadə simvol yığını olmaqla mühafizə etməyi planlaşdırırsa, sistem ona bunu etməyə imkan verməyəcək. Həmçinin parollar dəyişdirildikdən sonra onların yenidən təkrarən istifadə olunması mümkün olmayacaq.
“Microsoft” mütəxəssislərinin fikrincə, bu, istifadəçi məlumatlarını sındırılmaqdan mühafizə edəcək.
pia.az
Digərxəbərlər
Populyar xəbərlər
