Belarus bütün həssas məsələlərdə Çini dəstəkləyəcək. Buna Honq Konq və Tayvan da daxildir…
Belarus prezidenti Aleksandr Lukaşenko Pekin və Minsk arasında əməkdaşlığı yüksək qiymətləndirdiyini bildirib.
Poliqon.info xəbər verir ki, Belarus prezidenti Çindəki danışıqlarda Minskin “Vahid Çin” prinsipini dəstəklədiyini bildirib.
“Ölkənizlə beynəlxalq arenada sıx strateji əməkdaşlığı yüksək qiymətləndiririk. Ölkələrimiz dünya gündəmində olan mühüm əsas məsələlərdə ardıcıl olaraq bir-birini dəstəkləyib. Biz Tayvan ətrafında gərginliyin artırılmasına yönəlmiş hərəkətləri pisləyirik”, deyə Lukaşenko bildirib.
Lukaşenkonun sözlərinə görə Belarus həmişə “Vahid Çin” prinsipinə sadiq qalıbş
“Belarus problemin sülh yolu ilə həllinin tərəfdarı olub və xarici dövlətlərin ÇXR-in daxili işlərinə qarışmasının qəti əleyhinə çıxıb. Minsk bütün həssas məsələlərdə, Sincan, Cənubi Çin dənizi, Honq-Konq və Tayvan da daxil olmaqla Pekini dəstəkləyib və bundan sonra da dəstəkləyəcək”, deyə BelTA Agentliyi Lukaşenkodan sitat gətirir.
Poliqon.info