Almaniyanın müdafiə naziri Boris Pistorius isə hələlik tankı idarə etmək üçün təlimlərə başlamağı tövsiyə edib…
PİA.az xarici mətbuata istinadən xəbər verir ki, NATO-nun baş katibi Yens Stoltenberq Almaniyanın yeni müdafiə naziri Boris Pistorius ilə birgə brifinqdə Ukraynaya “Leopard” tanklarının tədarükünə icazənin tezliklə veriləcəyini bildirib.
“Bu icazə verildikdən sonra silahlı qüvvələrinin arsenalında “Leopard” tankları olan bütün ölkələr onları Ukraynaya yollaya bilər”, deyə NATO-nun baş katibi Stoltenberq brifinqdə deyib.
Eyni zamanda, o, müttəfiqlərə hər kəs üçün rahat olan yekun qərarla bağlı məxfi danışıqlar aparmaq imkanı verilməsinin doğru olduğunu söyləyib.
Pistorius öz növbəsində bildirib ki, Ukrayna hərbiçiləri “Leopard” tanklarında təlimlərə başlaya bilərlər. O, mətbuat konfransında qeyd edib ki, “Berlin bu işlərə qarışmır”.
Pistorius əlavə edib ki, Almaniya tankların Ukraynaya verilməsi ilə bağlı icazə tezliklə veriləcək birgə qərardan sonra reallaşacaq.
Yens Stoltenberq Ukraynanı tez bir zamanda yeni silahlarla təmin etməyə çağırıb:
“Müharibənin bu həlledici məqamında biz Ukraynanı daha ağır və təkmil sistemlərlə təmin etməliyik və bunu daha tez etməliyik”, deyə NATO-nun Baş katibi vurğulayıb.
Onun sözlərinə görə, davamlı sülhün yeganə yolu “Putinə döyüş meydanında qalib gəlməyəcəyini başa salmaqdır” və buna görə də Ukrayna qüvvələri rusları geri oturtmalıdır.
“Sadəcə sağ qalmaq yox, qalib gəlmək, ərazini geri qaytarmaq və Avropada suveren müstəqil dövlət kimi mövcud olmaq. Ukraynanın qarşısında duran məqsəd budur”, deyə NATO rəhbəri brifinqdə bildirib.
pia.az