Ermənistanla sərhəddə gərginliklər yaşadığımız bu günlərdə bu təlimin Azərbaycana qarşı gözdağı üçün keçiriləcəyini düşünmək üçün əsas varmı?..
Hərbi ekspert: “KTMT hərbi blok olaraq zaman-zaman üzvlərinin birinin ərazisində birgə təlimlər keçirir. Bu il də bu təlimlər keçiriləcək”.
“Biz 44 günlük Vətən müharibəsində tək Ermənistanı deyil, həm də KTMT-nin bəzi üzvləri tərəfindən sözün əsl mənasında tam əzmlə dəstəklənən Ermənistanı darmadağın etdik. Buna görə də bu təlimlərin keçirilməsi Azərbaycan üçün ciddi problem təşkil etmir”.
Bu sözləri hərbi ekspert Ədalət Verdiyev bu il rus NATO-sunun Ermənistanda “Şimşək” kod adlı keçirəcəyi təlimin məqsədini PİA.az-a şərh edərkən qeyd edib.
KTMT-nin dünən yaydığı məlumatda bildirilib ki, bu il rus NATO-su Ermənistanda “Şimşək” kod adlı təlim keçirəcək. Artıq təlimlərin üzv ölkələrin Baş qərargahları ilə razılaşdırıldığı qeyd olunur.
Ermənistanla sərhəddə gərginliklər yaşadığımız bu günlərdə bu təlimin Azərbaycana qarşı gözdağı üçün keçiriləcəyini düşünmək üçün əsas varmı?
KTMT-nin Ermənistanda keçirəcəyi təlimi PİA.az-ın əməkdaşı hərbi ekspert Ədalət Verdiyev ilə müzakirə edib.
Ədalət Verdiyev: “Bu təlimlərə sıradan bir təlimlər kimi baxılmalıdır. Amma aidiyyatı qurumlar da ayıq-sayıqlığı itirməməlidirlər”.
KTMT-nin blok olaraq Azərbaycana qarşı hərbi fəaliyyətlərə heç bir zaman xeyir-dua vermədiyini xatırladan ekspert PİA.az-a bildirib ki, dəfələrlə KTMT-ə müraciət olunsa da, bu müraciətlərə baxılmayıb:
“KTMT hərbi blok olaraq zaman-zaman üzvlərinin birinin ərazisində birgə təlimlər keçirir. Bu il də bu təlimlər keçiriləcək. Onsuz da biz 44 günlük Vətən müharibəsində tək Ermənistanı deyil, həm də KTMT-nin bəzi üzvləri tərəfindən sözün əsl mənasında tam əzmlə dəstəklənən Ermənistanı darmadağın etdik. Buna görə də bu təlimlərin keçirilməsi Azərbaycan üçün ciddi problem təşkil etmir. Çünki KTMT blok olaraq Azərbaycana qarşı hərbi fəaliyyətlərə heç bir zaman xeyir-dua verməyib. Dəfələrlə KTMT-ə müraciət olunsa da, bu müraciətlərə heç baxılmayıb da.
Buna görə də bu təlimlərə sıradan bir təlimlər kimi baxılmalıdır. Amma aidiyyatı qurumlar da ayıq-sayıqlığı itirməməlidirlər”.
Nərminə UMUDLU
pia.az