Kolumbiyanın Medellin şəhərində kiçik mühərrikli təyyarənin yaşayış massivi üzərində qəzaya uğraması nəticəsində 8 nəfər həlak olub...
Bu barədə “Report” xarici mətbuata istinadən xəbər verir.
Qeyd edilir ki, qəza nəticəsində 4 evə ziyan dəyib. Tibb işçiləri həyatını itirənlərdən 6-sının sərnişin, 2 nəfərin heyət üzvü olduğunu açıqlayıblar.
Medellin şəhərinin meri Daniel Kintero təyyarənin “Olaya Herrera” hava limanından qalxdıqdan sonra mühərrikində nasazlıq yarandığını və eniş etmək üçün hava limanına qayıdarkən qəzaya uğradığını bildirib.
Kolumbiyanın Mülki Aviasiyasının rəsmiləri təyyarənin “Wings Trade Support” şirkətinə aid olduğunu və şəxsi səyahətlər üçün icarəyə götürüldüyünü bildiriblər. Qeyd edilir ki, qəzanın səbəbi aviasiya mütəxəssisləri tərəfindən araşdırılır.
pia.az