37 kamikadze dron vurulub...
Bu gün səhər saatlarında Rusiyanın kamikadze dronlarının Kiyevə hücumu nəticəsində ölənlərin sayı 4-ə yüksəlib.
APA "Ukrinform"a istinadən xəbər verir ki, bu barədə Ukraynanın Fövqəladə Hallar üzrə Dövlət Xidmətinin mətbuat xidməti məlumat yayıb
“Kiyevdə xilasetmə əməliyyatları zamanı Fövqəladə Hallar üzrə Dövlət Xidmətinin xilasediciləri tərəfindən 19 nəfər xilas edilib. 4 nəfər ölüb, 3 nəfər xəstəxanaya yerləşdirilib. Fövqəladə Hallar Dövlət Xidmətindən 76 nəfər və 16 texnika cəlb olunub”, - məlumatda qeyd olunub.
Ukrayna Hərbi Hava Qüvvələri Komandanlığının sözçüsü Yuri İqnat isə bildirib ki, Ukrayna hərbçiləri 43 kamikadze drondan 37-ni vurub. Onun sözlərinə görə, PUA-ların hamısı cənubdan Ukrayna səmasına buraxılıb.
***
***
Rusiyanın Ukraynanın paytaxtı Kiyevə kamikadze dronlarla hücumu nəticəsində ölənlərin sayı 3-ə çatıb.
“Report” UNIAN-a istinadən xəbər verir ki, bu barədə şəhər hərbi administrasiyasından bildirilib.
***
Ukraynanın paytaxtı Kiyevə pilotsuz uçuş aparatları ilə hücumları nəticəsində 2 nəfər ölüb, 4 nəfər yaralanıb.
“Report” UNIAN-a istinadən xəbər verir ki, bu barədə Kiyev meri Vitali Kliçko bildirib.
O, yaralıların xəstəxanaya yerləşdirildiyini söyləyib.
V.Kliçko həmçinin Kiyevə 28 PUA ilə hücum edildiyini, onlardan yalnız 5-nin şəhərdəki müxtəlif infrastrukturları vurduğunu, qalanlarının isə zərərsizləşdirildiyini açıqlayıb.
Qeyd edək ki, bu gecə Rusiya Ordusu İran istehsallı PUA-larla Kiyevə hücum edib.
***
Rusiyanın Ukraynanın paytaxtı Kiyevə kamikadze dronlarla hücumundan sonra şəhərin bir hissəsində nəqliyyatın hərəkəti müvəqqəti dayandırılıb.
“Report” UNIAN-a istinadən xəbər verir ki, hücum nəticəsində Kiyevdə inzibati bina yanıb.
İtki olub-olmaması barədə hələ məlumat yoxdur.
***
Ukraynanın paytaxtı Kiyev şəhəri kamikadze dronları ilə hücuma məruz qalıb.
“Report” xəbər verir ki, bu fikirləri Ukrayna Prezident Ofisinin rəhbəri Andrey Yermak özünün teleqram-kanalında bildirib.
“Bizə mümkün qədər tez, daha çox hava hücumundan müdafiə sistemləri lazımdır. Bizim yavaş hərəkət etməyə vaxtımız yoxdur. Səmanı qorumaq üçün daha çox silah lazımdır”, - A.Yermak yazıb.
Kiyevin meri Vitali Kliçko şəhərin Şevçenko rayonunda partlayışların baş verdiyini açıqlayıb.
pia.az