Azərbaycan Respublikası Prezidenti Cənab İlham Əliyevin 2019-cu il 22 iyul tarixli sərəncamı ilə təsdiq olunmuş “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2019–2024-cü illər üçün Dövlət Proqramı”na uyğun olaraq Azərbaycan İstiqlal muzeyində 19 aprel saat 12:00-da “ Gələcəyimiz naminə-Narkotikə yox deyək” adlı tədbir keçirildi.
Narkomaniyaya qarşı mübarizə tədbirlərinin həyata keçirilməsində əsas məqsəd gənclərin narkomaniya haqqında maarifləndirilməsi, yeniyetmələr və gənclər arasında təbliğatın aparılması və sağlam həyat tərzinin qorunub saxlanılmasıdır.
Tədbirdə Səbail rayonu Gənclər və İdman İdarəsinin gənclər üzrə aparıcı məsləhətçisi Həmid-Xan Tahirli, Bakı Şəhər Narkoloji Mərkəzinin həkim narkoluqu- Aytən Nadirli, psixoloq Vəfa Əkbər insanların sağlamlığını , həyatını ciddi təhlükə altına alan narkomaniyanın qarşısını almaq istiqamətində maarifləndirici çıxışlar etdilər. Tədbir zamanı psixoloq Vəfa Əkbər tərəfindən iştirakçılar üçün proektiv metodika keçirildi.
Qeyd edildi ki, narkomaniyaya qarşı cəmiyyətin bütün üzvləri mübarizə aparmalı, yeniyetmə və gənclər arasında maarifləndirmə tədbirləri mütəmadi xarakter almalıdır.
Tədbirdə “1Könüllü”, Sənaye və İnnovasiyalar üzrə Bakı Dövlət Peşə Təhsil Mərkəzinin tələbələri iştirak etdilər.
pia.az
Fotolar
Digərxəbərlər
Populyar xəbərlər
