Bəşəriyyət III Dünya müharibəsinin astanasında - Onu yalnız bir ölkə dayandıra bilər...

Poliqon xəbər verir ki, bunu jurnalist, yazıçı, The Sunday Telegraph qəzetinin redaktoru Allister Heat yazıb.

"Əgər sülh istəyirsənsə, ilk növbədə İrana qarşı müharibə lazım olacaq. Əgər nüvə apokalipsisinin qarşısını almaq istəyirsənsə, İranın nüvə proqramı məhv edilməlidir. Əgər daha yaxşı, sağlam dünya istəyirsənsə, İranın iyrənc teokratları məhv edilməlidir", deyə yazar qeyd edib.

Heatın fikrincə, İran rejimi Yaxın Şərqdəki demək olar bütün problemlərin mənbəyidir, terrorun əsas ixracatçısı, Rusiyanın müttəfiqi, Çinin dostu və bəşəriyyətin ümumi taleyini yeyən xərçəng şişidir. Heat vurğulayır ki, İsrail indi Qərbi xilas etməlidir və əgər bunu təkbaşına həyata keçirməyə imkanı yoxdursa, ABŞ ordu göndərməlidir. O, vurğulayır ki, İranda rejim dəyişikliyi dünyanın hər bir demokratik ölkəsi üçün əsas xarici siyasət prioriteti olmalıdır.

Heat qeyd edib ki, çərşənbə axşamı, oktyabrın 1-də İranın İsrailə vurduğu zərbə Tehran üçün fəlakət olub. Heat yazır ki, ölkə öz raketlərinin bir hissəsini istifadə edib və mövqelərini ölümcül şəkildə zəiflədib.

"O, yıxılacaq qədər kövrək olsa da, özünü alçaq, fanatik bir zorakı kimi təqdim etdi. Bu dəfə İran Amerikanı səhv başa düşdü. Tehran İsrailin risk və ağrı iştahını düzgün qiymətləndirmdi. Yerusəlimdəki heç bir hökumət minillik dövlətin dağıdılmasına can atan, təkrarlanan, artan raket hücumlarına dözə bilməz və hətta Dövlət Departamentinin ən xurafatçı aparatçıları indi nüvə İranının bizi III Dünya müharibəsinə aparacağını görürlər", deyə müəllif qeyd edir.

Yazar əlavə edib ki, indi təhlükə getdikcə panikaya düşən İran rejiminin tez bir zamanda nüvə statusu almağa çalışaraq səhvlərini daha da dərinləşdirməsidir:

"Buna yol vermək olmaz. Məqsədi özünün və yəhudi xalqının sağ qalmasını təmin etmək olan İsrailin İran rejiminə cavab olaraq sarsıdıcı zərbə vurmaq təkcə haqqı deyil, həm də vəzifəsidir. O, Qərbin tam və qeyd-şərtsiz dəstəyinə layiqdir".

Poliqon.info