İsrail ordusu HƏMAS qruplaşmasının Qəzza zolağındakı iki mövqeyinə raket zərbələri endirib...
İsrail hərbçiləri yəhudi dövlətinin ərazisinə raket hücumuna cavab olaraq Fələstinin Həmas təşkilatının Qəzza zolağında iki hərbi mövqeyinə hücum edib.
Poliqon xarici mətbuata əsasən xəbər verir ki, bu barədə İsrail ordusunun mətbuat xidməti məlumat yayıb.
İsrail ordusunun mətbuat xidmətinin məlumatında bildirilir ki, zərbələr Qəzza zolağının şimal hissəsinə endirilib.
Qeyd edək ki, daha əvvəl Baş nazir Benyamin Netanyahu bildirib ki, İsrail hərbçiləri Qəzza zolağında “Qalxan və ox” əməliyyatı zamanı Fələstinin radikal İslami Cihad hərəkatının bütün zirvəsini məhv etməyə nail olub. O, həmçinin hərbçilərə göstərdikləri peşəkarlığa, israillilərə isə dözümlülüklərinə görə minnətdarlığını bildirib.
Mayın 11-də İsrail Müdafiə Qüvvələri “İslami Cihad”ın komandirlərindən biri Əli Qalinin məhv edildiyini bəyan edib.
Poliqon.info