İsrail ordusu Livanda “Hizbullah” yaraqlılarına hava və artilleriya hücumu təşkil etdiyini bildirib...
Poliqon xəbər verir ki, bu barədə İsrail ordusunun mətbuat xidməti Telegram kanalında məlumat yayıb.
“Bir müddət əvvəl Livandan İsrail ərazisindəki Zarit qəsəbəsini atəşə tutmağa cəhd edən terror qruplaşması İDF-nin aviasiyası və artilleriyasının hücumuna məruz qalıb”, deyə mətbuat xidmətinin məlumatında bildirilir.
Qeyd edək ki, bu səhər İDF Suriyanın hərbi infrastrukturuna hücumlar təşkil etdiyini açıqlamışdı. Məlumatda qeyd olunurdu ki, İsrail qırıcıları Suriya ordusunun minaatan qurğularına hücum edib. Bu zərbələr Suriyadan olan hücumlara cavab olaraq həyata keçirilib.
Poliqon.info