Fələstin Qızıl Aypara Cəmiyyəti “Əl-Qüds” xəstəxanası yaxınlığında yeni zərbələr endirdiyini bildirib...
Fələstin Qızıl Aypara Cəmiyyəti İsrail hava qüvvələrinin Qəzzanın şimalında “Əl-Qüds” xəstəxanası ətrafındakı əraziyə hücumlarının davam etdiyini bildirib.
Poliqon xəbər verir ki, bu barədə təşkilatın X sosial şəbəkəsindəki səhifəsində (keçmiş Twitter) dərc edilən bəyanatda bildirilir. Bəyanatda qeyd olunub ki, hərbçilər Qəzzada “Əl-Qüds” xəstəxanasının yerləşdiyi əraziyə davamlı olaraq artilleriya və hava zərbələri endirirlər. Mətndə binanın titrədiyi, qaçqınların və işçilərin qorxu və çaxnaşma içində olduğu vurğulanır.
Qızıl Aypara daha əvvəl bildirmişdi ki, İsrail ordusu personalı, köçkünləri və xəstələri xəstəxananı tərk etməyə məcbur etmək üçün tibb müəssisəsinin binasını qəsdən atəşə tutur. Təşkilat rəhbərliyinin sözçüsü Əbdül Əziz Əbu Aişə bildirib ki, həyatlarını riskə atmadan 12 min köçkünü və 400-dən çox xəstəni, o cümlədən qadın və uşaqları təxliyə etmək mümkün deyil.
BMT nümayəndələri də analoji fikir bildiriblər və qeyd ediblər ki, Qəzza zolağındakı xəstəxanalardan, o cümlədən “Əl-Qüds” xəstəxanasından xəstələrin təxliyyəsi həyata keçirilə bilməz. Onlar münaqişə zonasından xəstələrin həyatını təhlükəyə atmadan təxliyyə etməyin mümkün olmadığını, xəstəxanaların beynəlxalq hüquqla qorunmalı olduğunu vurğulayıblar. Bu barədə BMT baş katibinin rəsmi nümayəndəsi Stefan Düjarrik xəbərdarlıq edib.
Poliqon.info