Tehran Rusiya, Suriya və Türkiyə arasında dialoqa qoşulmaq istəyini ifadə edib...
Rusiya xarici işlər nazirinin müavini Mixail Boqdanov Rusiya, İran, Türkiyə və Suriya nümayəndələrinin görüşünün detalalrını açıqlayıb.
Poliqon.info xəbər verir ki, Rusiya xarici işlər nazirinin müavini Mixail Boqdanov bu barədə “RİA Novosti” A gentliyinə müsahibəsində bildirib. Onun sözlərinə görə, xarici işlər nazirlərinin dördtərəfli görüşünün təşkili imkanları nəzərdən keçirilir.
Boqdanov qeyd edib ki, İranın danışıqlara qoşulmasının açarı iki maraqlı tərəf, Türkiyə və Suriyadır və onların razılığı olarsa, İran danışıqlara qoşulacaq. Rusiya xarici işlər nazirinin müavini vurğulayıb ki, dialoqun bütün iştirakçılarının ümumi məqsədi Suriya ətrafında vəziyyətin nizamlanması və bütövlükdə Yaxın Şərq regionunda vəziyyətin sabitləşdirilməsidir.
Rusiya XİN0nin nümayəndəsi onu da qeyd edib ki, təhlükəsizlik qüvvələri ilə diplomatlar arasında təmaslar Suriya və Türkiyə arasında müxtəlif səviyyələrdə danışıqların şərtlərini hazırlamaq üçün nəzərdə tutulub və bu danışıqlar zamanı potensial razılaşmalar əldə olunacaq.
Qeyd edək ki, dekabrın ortalarında Türkiyə prezidenti Rəcəb Tayyib Ərdoğan rusiyalı həmkarı Vladimir Putini Suriya lideri Bəşər Əsədin iştirakı ilə üçtərəfli görüş keçirməyə dəvət etdiyini açıqlamışdı. O qeyd edib ki, dialoqdan əvvəl xüsusi xidmət orqanlarının nümayəndələri, müdafiə və xarici işlər nazirləri səviyyəsində danışıqlar aparılmalıdır.
Poliqon.info