Son illər ölkəmizdə digər idman növləri kimi basketbol da sürətlə inkişaf etməkdədir...
Peşəkar komandasıyla, yüksək keyfiyyətli işiylə hər zaman seçilən "İndigo MMC" gənclərimizin idmana olan həvəsini görərək bu prosesə öz töhfəsini vermək qərarına gəlib. Belə ki, oktyabrın 21-də NTD bosketbol klubu və İndigo MMC arasında əməkdaşlıq müqaviləsi imzalanıb. 2023-2024-cü illərdə Azərbaycan Basketbol Liqasında “NTD İndigo” klubu da mübarizəyə qoşulacaq.
Xatırladaq ki, NTD basketbol klubu 5 dəfə Azərbaycan çempionu olub və ölkəmizi müxtəlif beynəlxalq yarışlarda təmsil edib. 2022-2023 cü il movsümündə klub Azərbaycan çempionatının bürünc medalını qazanaraq ölkə kubokunun finalınadək yüksəlib.
Yeni mövsümdən etibarən klub “NTD İndigo” adı altında çıxış edərək Xaçmaz şəhərini təmsil edəcək. Klub öz ev oyunlarını Xaçmazda təşkil edəcək ki, bu da əyalətlərdə idmanın kütləviləşməsinə təkan vermiş olacaq.
“İndigo MMC” klubun bir sıra xərclərinin qarşılanmasını öz üzərinə götürərək klubun heyət-texniki bazasının möhkəmləndiriliməsinə dəstək olacaq.
“İndigo MMC” müştərilərinin etimadı və etibarı ilə inkişaf edərək böyüyür.
Bu il çempionluq uğrunda mübarizə aparacaq “NTD İndigo” basketbol klubuna dəstəyinizi əsirgəməyin. Oyunlarda sizi gözləyirik!
Poliqon.info