Pakistanın ən yüksək məhkəməsi keçmiş Baş nazir İmran Xana qarşı adam öldürməyə cəhd ittihamını ləğv etmək qərarına gəlib...
Poliqon xəbər verir ki. bu barədə onun vəkili Naeem Panyuta X (keçmiş Twitter) sosial şəbəkəsində bildirib. Həmçinin bu gün məhkəmə Xanın dələduzluq ittihamı ilə üç il həbs cəzası aldığı hökmün ləğvi üçün müraciətinə baxacaq.
Qeyd edək ki, İmran Xan 2018-ci ildə Pakistanın Baş naziri vəzifəsinə keçib. 2022-ci ilin aprelində ona qarşı etimadsızlıq səsverməsindən sonra vəzifədən uzaqlaşdırılıb. Oktyabr ayında İmran Xan seçkilərdən kənarlaşdırılıb və 5 il müddətinə dövlət vəzifəsində çalışmaq hüququndan məhrum edilib.
Keçmiş Baş nazir iyun ayında vəkil Rəzzək Şarı öldürməyə cəhddə ittiham olunub. Ümumilikdə, hakimiyyətdən uzaqlaşdırıldıqdan sonra siyasətçiyə qarşı 150-dən çox məhkəmə işi açılıb. Xan korrupsiyada və tərəfdarlarının ölkə boyu dövlət idarələrinə və hərbi obyektlərə hücum etdiyi kütləvi etirazlarla bağlı terrorizm və fitnəkarlıqda ittiham olunur.
Poliqon.info
Digərxəbərlər
Populyar xəbərlər
