Qırmızı dənizdə Bab əl-Məndəb boğazından keçən ticarət gəmiləri müəyyən şərtlər daxilində yəmənli husilərin hücumlarına məruz qalmayacaq...
Poliqon İsrailin “Times of Israel” qəzetinə istinadən xəbər verir ki, bunu Husilərin Ali Siyasi Şurasının üzvü Məhəmməd Əli əl-Husi açıqlamasında deyib.
“Boğaza yaxınlaşan gəmilərin sahibləri İsraillə əlaqələrinin olmadığını açıq şəkildə bəyan etməlidirlər. Sonradan gəmi, bu açıqlamaya baxmayaraq, İsrail limanına üz tutsa, qara siyahıya düşəcək”, deyə Husilərin sözçüsü qeyd edib.
Əl-Husi belə bir təklifi Qırmızı dənizdəki gərginliyi azaltmaq üçün “sadə və ucuz həll yolu” hesab edir.
Qeyd edək ki, Yəmənin Qırmızı dəniz sahillərinin böyük hissəsinə nəzarət edən husilər daha əvvəl İsraillə əlaqəsi olan istənilən gəmiyə hücum edəcəkləri ilə hədələyiblər. Radikallar digər ölkələri öz ekipajlarını İsrail gəmilərindən çıxarmağa və dənizdə onlara yaxınlaşmamağa çağırıblar. Bu, bir sıra gəmiçilik şirkətlərinin Qırmızı dəniz vasitəsilə daşımaları müvəqqəti dayandırmaq qərarına gəlməsinə səbəb olub.
Poliqon.info
Digərxəbərlər
Populyar xəbərlər
