Təbrikdə deyilir:
Hörmətli həmvətənlər!
Sizi dünya müsəlmanlarının mənəvi birlik və həmrəylik rəmzi olan müqəddəs Qurban bayramı münasibətilə təbrik edirəm. Qurban Bayramında müsəlmanlar Tanrıya yaxınlığın, ilahi dəyərlərə bağlılığın sevinci yaşayır. Müsəlmanlar hər gün olduğu kimi bu mübarək gündə də xeyirxah amallar uğrunda fədakarlığa hazır olduqlarını nümayiş etdirirlər.
Qurban Bayramı hər il ölkəmizdə böyük təntənə ilə qeyd edilir. Bu gün münasibətilə keçirilən mərasimlər cəmiyyətimizdə bərabərlik və dözümlülük ovqatını daha da gücləndirir. Bu gözəl gündə etdiyiniz duaların, kəsdiyiniz qurbanların Tanrı dərgahında qəbul olunması arzusu ilə bütün müsəlmanlara səmimi təbriklərimi çatdırıram. Bu nurlu bayram hər bir ailəyə xoşbəxtlik, hər bir süfrəyə xeyir-bərəkət gətirsin.
Qurban Bayramınız mübarək olsun!
pia.az