Gürcüstan: Ərazimizdən içində partlayıcı olan yük maşını keçməyib - Müəmma...

Krım körpüsünü partladan furla bağlı müəmma daha da böyüməkdədir.

PİA.az xəbər verir ki, Gürcüstanın Maliyyə Nazirliyi bəyan edib ki, ölkə ərazisindən FTX-nın qeyd etdiyi nə yük maşını, nə də partlayıcı keçməyib:

“Gürcüstanın gömrük sərhədlərindən nə qeyd edilən yük maşını, nə də trotillə, ya da digər partlayıcı maddə ilə dolu başqa bir nəqliyyat vasitəsi keçməyib. Əgər kimsə arqumentləşdirilmiş şəkildə həmin maşının Gürcüstan ərazisindən keçdiyi təqdim edərsə, biz detallı araşdırma başlada və günahkar şəxsləri müəyyələşdirə bilərik”, deyə Gürcüstanın Maliyyə nazirinin müavini Georgi Kakauridze jurnalistlərə bildirib.

Ermənistan isə əksinə, bu gün yaydığı məlumatda idda edir ki, oktyabrın 1-də 00.15-də Baqrateşen gömrük məntəqəsindən partlayıcı olan yük maşını ölkə ərzazisinə girib, lakin maşının yoxlanılması zamanı yük maşınında partlayıcı aşkarlanmayıb.

Maraqlıdır, 22 ton partlayıcı ilə dolu maşın quş olub uçaraq Ermənistan ərazisinə daxil olub?

Qeyd edək ki, FTX-nın yaydığı məlumatda bildirilir ki, partlayıcı maddə politlen tikinti materialları ilə Odessada kamuflyaj olunub. Sonra isə Bolqarıstana yola salınıb. Yük maşını Bolqarıstandan Gürcüstana, ordan isə Erməistana keçib. Ermənistan yük boşaldılaraq yenidən sənədləşdirilib və daha sonra Gürcüstanın Lars gömrük məntəqəsindən Rusiya ərazisinə keçib. Krasnador vilayətinin Armavir şəhərinə gətirilən partlayıcı yük ermənilərin sahibi olduğu anbara boşaldılıb və səhərisi gün Mahir Yusifovun maşınına yülkənərək yeni sənədlərə Krıma yollanılıb. Krım körpüsünün üzərində də maşın rentgen baxışdan keçirilsə də təhlükəli heç bir şey aşkarlanmayıb. Keçid məntəqəsindən ayrılan maşın birneçə dəqiqə hərəkətdə olduqdan sonra partlayıb.

Bir daha xatırladaq ki, Ermənistan və Rusiya yük maşının rentgen şəkillərini dərc edib və bildirilib ki, heç bir gömrük keçidində partlayıcı maddə aşkar olunmayıb. 22 ton partlayıcı maddənin təqribən 6 gömrük məntəqəsindən keçərək heç bir gömrük məntəqəsində aşkarlanmaması isə çoxlu sullar doğurur. Doğurdanmı Krım körpüsünün partladılmasında istifadə olunan partlayıcı maddə FTX-nın qeyd elədiyi marşurutla hərəkət edib, yoxsa partlayıcı maddə elə Rusiyada hazırlanıb?..

pia.az