Fransa hökuməti iqtisadi artımla bağlı proqnozlarını aşağıya doğru dəyişmək məcburiyyətində qalıb...
Poliqon xəbər verir ki, bunu Fransanın iqtisadiyyat, maliyyə, sənaye və rəqəmsal suverenlik naziri Bruno Le Mer deyib. Nazirin sözlərinə görə, hökümət nazirliklərin xərclərini azaltmaqla 10 milyard avroya qənaət etməyi planlaşdırır.
“Bizim 2024-cü il üçün təxminimiz 1,4% idi, lakin yenidən baxıldıqdan sonra məlum oldu ki, iqtisadiyyatımızın artımı 1% səviyyəsində qalacaq. Ona görə də biz geosiyasi konteksti nəzərə almalıyıq”, deyə nazir bildirib. Fransa höküməti iqtisadi inkişafın yavaşlamasını Ukraynadakı münaqişəylə, Yaxın Şərqdəki hadisələrlə, həmçinin Çində iqtisadi yavaşlamayla və Almaniyadakı tənəzzüllə əlaqələndirib.
Le Mer qeyd edib ki, 10 milyard avroluq qənaət planı bütün nazirliklərə şamil ediləcək.
“Bu azalmalar enerji, daşınmaz əmlak və ya satınalma xərclərinə şamil edilə bilər. Bütün nazirliklər milli büdcədəki paylarına uyğun töhfə verəcəklər, deyə fransız nazir bildirib.
Poliqon.info
Digərxəbərlər
Populyar xəbərlər
