Finlandiya ABŞ-ın nüvə arsenalını öz ərazisində yerləşdirməyə ehtiyac görmür...
Poliqon xəbər verir ki, bu barədə Finlandiyanın Baş naziri Petteri Orpo Polşanın “Rzeczpospolita” qəzetinə müsahibəsində bildirib.
Orponun sözlərinə görə, Finlandiya NATO çərçivəsində öz vəzifələrini yerinə yetirməyə diqqətlə hazırlaşır və artıq adi silahlardan istifadə etməklə Alyansa qarşı potensial təhlükələrin qarşısının alınmasında iştirak edir.
“ABŞ-ın nüvə silahlarının Finlandiyada yerləşdirilməsi lazım deyil, çünki NATO özü nüvə təhlükəsinin qarşısının alınmasını təmin edir. Alyansın bir neçə ölkəsində nüvə silahı yerləşdirilib və bu, kifayətdir”, deyə Finlandiyanın Baş naziri bildirib.
Qeyd edək ki, dekabr ayında Finlandiya hakimiyyəti ABŞ-la müqavilə imzalayıb. Bu müqavilə Pentaqona ümumilikdə 15 Finlandiya hərbi obyektinə giriş imkanı verib. Amerikalılar həmin hərbi obyektlərdə qoşun, silah və texnika yerləşdirə biləcəklər.
Poliqon.info