FIFA rəhbəri: “Dünyanın bütün ölkələrindən xahiş edirik ki, heç olmasa bir stadiona Pelenin adını versinlər”

O, əfsanəvi braziliyalı futbolçu ilə “Santos”un stadionunda keçirilən vida mərasimində iştirak edib.

“Mən ziddiyyətli emosiyalar yaşayıram. Bu, çox kədərlidir, amma eyni zamanda gülümsəyirəm, çünki Pele bizə çoxlu sevinc bəxş edib. Biz kralın xatirəsini ehtiramla yad edəcəyik. Bütün dünya ölkələrindən oyunlardan əvvəl bir dəqiqəlik sükut təşkil etmələrini xahiş edirik.

Bundan əlavə, biz dünyanın bütün ölkələrindən xahiş edirik ki, heç olmasa bir stadiona Pelenin adını versinlər ki, uşaqlar onu xatırlamağın nə qədər vacib olduğunu bilsinlər”, - İnfantino bildirib.

Qeyd edək ki, üçqat dünya çempionu dekabrın 29-da 82 yaşında dünyasını dəyişib.

pia.az