Türkiyə Ukrayna ilə Rusiya arasında atəşkəs danışıqlarının tezliklə başlayacağına ümid edir...
Poliqon “Euractiv” portalına istinadən xəbər verir ki. bunu Türkiyənin xarici işlər naziri Hakan Fidan Antalyada keçirilən diplomatik forumdan sonra deyib.
Qeyd edilir ki, Forum çərçivəsində Fidan Rusiyanın xarici işlər naziri Sergey Lavrov ilə görüşüb. Görüşdən sonra Türkiyə Xarici İşlər Nazirliyinin rəhbəri jurnalistlərə bildirib ki, o, Lavrovla bir sıra məsələləri, o cümlədən Ukraynanı müzakirə edib.
“Ukraynaya gəldikdə, biz inanırıq ki, hər iki tərəf hərbi cəhətdən əldə edə biləcəklərinin son həddinə çatıb. Hesab edirik ki, atəşkəslə bağlı dialoqa başlamağın vaxtı çatıb... Bu, Rusiya tərəfindən aparılan işğalın tanınması demək deyil, suverenlik və atəşkəs məsələləri ayrıca müzakirə olunmalıdır”, deyə Fidan bildirib.
“Euractiv” portalı qeyd edir ki, Ankara Ukraynaya hərbi dəstək verir və onun ərazi bütövlüyünü dəstəkləyir, eyni zamanda Rusiyaya qarşı sanksiyalara qarşıdır.
“500 mindən çox insanın ölümü və yaralanması, bütöv bir ölkənin infrastrukturunun tamamilə məhv edilməsi dözə biləcəyimiz reallıq deyil... Buna birtəhər son qoyulmalıdır. Bunun qarşısını almaq üçün müzakirələr aparılmalı, hər kəs bu fikrə alışmalıdır”, deyə Türkiyənin xarici işlər naziri vurğulayıb.
Poliqon.info
Digərxəbərlər
Populyar xəbərlər
