“İlkin baxışlara görə, Sumqayıt şəhərində yerləşən “Green House” şadlıq evində təmir işləri gedirdi. Hazırda yanğının başvermə səbəbləri araşdırılır”.
Bu fikirləri Fövqəladə Hallar Nazirliyinin Sumqayıt Şəhər Dövlət Yanğından Mühafizə Xidmətinin rəisi polkovnik Tahir Quliyev deyib.
Onun sözlərinə görə, bu gün 14:40 radələrində Fövqəladə Hallar Nazirliyinin “112” qaynar telefon xəttinə Sumqayıt şəhərində yerləşən “Green House” şadlıq evində yanğın baş verməsi barədə məlumat daxil olub və dərhal əraziyə FHN-in Dövlət Yanğından Mühafizə Xidmətinin qüvvələri cəlb olunub: “Təxminən 3 dəqiqədən sonra bölmələrimiz hadisə yerinə çatıb. Yaxınlıqda yerləşən yanacaqdoldurma məntəqəsi yanğından mühafizə olunub. Təxminən 30 dəqiqə ərzində yanğının qarşısı alınıb”.
T.Quliyev bildirib ki, yanğın nəticəsində FHN-in əməkdaşlarından və vətəndaşlardan xəsarət alan yoxdur.
Poliqon.info
Digərxəbərlər
Populyar xəbərlər
