2023-cü ildə Ermənistan və Qazaxıstan arasında ticarət dövriyyəsi 2022-ci ilin göstəriciləri ilə müqayisədə 2,4 dəfə artaraq 104 milyon dollar təşkil edib...
Poliqon xəbər verir ki, bu barədə aprelin 9-da İrəvanda Ermənistan-Qazaxıstan biznes forumu zamanı Ermənistanın iqtisadiyyat naziri Gevorq Papoyan bildirib.
Nazirin sözlərinə görə, Qazaxıstan prezidenti Tokayevin Ermənistana gələn həftəyə planlaşdırılan səfəri ikitərəfli münasibətlərdə xüsusi yer tutur.
Gevorq Papoyan əlavə edib ki, yanvar-fevral aylarında Ermənistanda iqtisadi aktivlik 13,6% təşkil edib.
“Dövlət lizinq kreditləşməsinin faiz dərəcəsini subsidiyalaşdırmaqla müəssisələrə istehsalı modernləşdirmək imkanı verir. Bu proqram çərçivəsində 1846 şirkət təxminən 228 milyard dram dəyərində yeni avadanlıq alıb”, deyə Papoyan qeyd edib.
Qeyd edək ki, forumda iqtisadiyyatın müxtəlif sahələrinin 150-dən çox nümayəndəsi, Qazaxıstanın ticarət və inteqrasiya naziri Arman Şakkaliev iştirak edir.
Poliqon.info
Digərxəbərlər
Populyar xəbərlər
