Ermənistanda həbslər olacaq, Koçaryana yeni ittihamlar irəli sürüləcək - Politoloq

Ermənistanda 1999-cu i il 27 oktyabr parlament terrorunun cinayət işi bərpa edilib. Bununlada Nikol Paşinynanın göstərişi ilə istintaq yenidən başlayır və burada əsas məqsəd Qarabağ klanını əsas siması eks-prezident Robert Koçaryana yeni iddihamlar irəli sürmək, Serj Sarkisyan və digər Qarabağ klanını üzvülərini istintaqa cəlb edərək həbs etdirməkdi.

Paşinyan Ermənistanda bu terror aktı üzərindən sirr pərdəsini ortadan qaldırmaqla Qarabağ klanını siyasi səhnədən silməklə, erməni cəmiyyətində yeni bir dəyişikliklər gətirəcəyini düşünür. Bu dəyişikliklər Qarabağ münaqişəsinin nizamlanmasında yeni yanaşma ola bilər. Amma Paşinyan bu terror aktını gündəliyə çıxarması Moskvanı narahat edəcək.

Qeyd edim ki, Paşinynanın Moskvanın sərt reaksiyalarını görməzdən gəlməsi onun üçün müəyyən ağır nəticələri ola bilər. Çünki, bu terror aktı məhz Qarabağ münaqişəsinin həlli ilə bağlı idi. Bu terrordan sonra Rusiyayönlü Qarabağ klanı hakimiyyətdə möhkəmlənərək güzəştsiz mövqe tutdu.

Parlamentdə öldürülənlər Rusiyasız Azərbaycanla sülh müqaviləsinə getməkdə maraqlı idilər.

Nikol Paşinyan bu terror aktı üzərindən sirr pərdəsini qaldırsa Ermənistanda yenidən həbslər olacaq və Koçaryana yenidən iddihamlar irəli sürüləcək.

Bu məsələ Azərbaycan üçündə maraqlıdır və əvvəlki illərdə Qarabağ münaqişəsinin nizamlanmasında yeni detallar ortaya çıxar. Və bu da Paşinyanın danışıqlarda əlində bir vasitəyə çevrilə bilər.

Gülyanaq İsmayılqızı

pia.az