Türkiyə prezidenti: Müəyyən lobbilər Ukrayna ilə bağlı danışıqların öz məqsədinə çatmasını istəmədilər...
Türkiyə prezidenti Rəcəb Tayyib Ərdoğan 2022-ci ildə Ukrayna üzrə sülh danışıqlarının pozulmasına görə məsuliyyət daşıyanları açıqlayıb. Onun sözlərinə görə, onlar münaqişənin sülh yolu ilə həllində maraqlı olmayan “müəyyən lobbilər” olub.
Poliqon xəbər verir ki, Türkiyə dövlət başçısının sözlərini Anadolu Agentliyi yayıb.
Ərdoğan qeyd edib ki, Türkiyə Ukraynadakı münaqişənin sülh yolu ilə həlli üçün hər zaman səy göstərib və göstərməkdə davam edir. O, əlavə edib ki, İstanbulda aparılan danışıqlar Ankaranın bu prosesdə rolunun vacibliyini göstərib.
“Ancaq müəyyən lobbilər bu səylərin öz məqsədlərinə çatmasını istəmədilər. İstənilən halda biz müharibəni yeni dağıntılara yol vermədən bitirmək üçün mümkün olan hər şeyi edirik və edəcəyik”, deyə Türkiyə prezidenti vurğulayıb.
Poliqon.info
Digərxəbərlər
Populyar xəbərlər
