Dron görüntüləri Liviyadakı fəlakətin miqyasını ortaya qoyub - Foto

APA xəbər verir ki, Orta Aralıq dənizində təsirli olan fırtına Dərnə başda olmaqla bir çox yaşayış məntəqəsində fəlakətə səbəb olub.

Dronla çəkilən görüntülər Dernenin bir çox hissəsinin dağıntı yığınına çevrildiyini göstərir.

Dağılan bəndlərlə evlər və maşınlar xarabalığa çevrilərkən, minlərlə insan həyatını itirdi. Küçələrin və evlərin palçıq dənizinə çevrildiyi şəhərdə yüzlərlə avtomobilin zədələndiyi müşahidə edilib.

Bəzi nəqliyyat vasitələrinin yuxarı mərtəbələrdəki evlərə girdiyi, bəzi marketlərin su altında qaldığı, bir çox ərzaq məhsullarının yararsız hala düşdüyü müşahidə edilib.

Demək olar ki, bütün mülki əhalinin şəhəri tərk etməsi ilə Dərnə xəyal şəhərini xatırlatmağa başladı.

APA Anadolu Agentliyinə istinadən dron görüntülərini təqdim edir.

Poliqon.info